Тэр цагаас яг 25 жилийн дараа нөгөө профессор судалгаанд хамрагдсан бүх хүний хувь заяа хэрхэн өөрчлөгдсөнийг судлахаар шийдэн, дахин өөрийн шавь нарыг явуулжээ. Өмнөх судалгаанд нийтдээ 205 хүүхэд хамрагдсан байж. 25 жилийн дараа тэд насанд хүрч, хаа сайгүй таран амьдарч байсан нь тодорхой. Гэвч ямар ч “найдваргүй” гэгдэж байсан эдгээр хүүхдүүд хэн болсон тухай гайхалтай үр дүн гарчээ.

Тэдний дотроос 25 хүүхэд хаана яваа нь мэдэгдээгүй аж. Харин үлдсэн 180 хүүхдээс 176 нь тийм дүүргээс хэзээ ч хүршгүй гэж тооцогдож байсан ирээдүй буюу өндөрлөгт хүрч чадсан байлаа. Хуульч, өмгөөлөгч, эмч гээд л олны хүндэтгэлийг хүлээсэн мэргэжилтнүүдээс гадна нэр цуутай хүмүүс ч болсон байв. Энэ үр дүн социологичдийн анхаарлыг үнэхээр их татаж, амжилтын түүхийг нь хүн нэг бүрээр нарийвчлан судалж үзжээ.

 “Бидэнд амжилтанд хүрч чадна гэсэн итгэл найдварыг төрүүлж, бас биднээс амжилтыг хүлээж, итгэж байсан дунд сургуулийн маань багш эмэгтэй байсан. Энэ бүхэн түүний ач” гэж судалгаанд оролцогчид хэлсэн байх юм. Ерэн настай багш эмэгтэйгээс гайхамшигтай арга барилынх нь нууцыг асуухад ердөө л “Би тэдэнд хайртай байсан юм” гэжээ.

Хэн нэг хүний сэтгэлээсээ зориулах үйлс, басхүү чин сэтгэл, зүтгэл хичнээн хүний амьдралд сайнаар нөлөөлж болохыг энэ судалгаа нотолсон юм.